News

Excise & Narcotics Department chuan hriselna dinhmun avanga zu lei theihna (red card) chu mi pahnih hnenah a pek chhuk tawh.

Excise atanga thudawn danin, red card dilna form hi la chhuak tam viau tawh mah se, thehlut erawh an la tam lo. Mi pahnihte dilna hi uluk taka endik a nih hnuah pawm niin red card pek an ni. An zu lei theih zat chu doctor-in a chawh mila ruahman a ni.

Red card nei tur hian doctor-in damdawi atana zu an chawhna lehkha an neih hnuah, district medical superintendent-te’n an chawhna chhante enfiaha an pawmpui a ngai. Heng tel lo hi chuan red card hi pek chhuah theih a ni lo.

Red card hi kum khat a nung dawn a, kum khatah Rs 5,000 chawi a ngai. Red card neite chuan Excise-in a leina tur hmun an ruahman (departmental store) ah a man pangngai aia 75% a hniamin an lei thei dawn.