D.A tihpun avangin lawm

Federation of Mizoram Government Employees and Workers (FMGE&W) chuan thuchhuah siamin nimin (17.11.2025) a Council of Minister thukhawmin an dearness allowance (D.A) an tihpun sak avanga an lawmthu leh Central Sorkar hnathawkte ruala ke an pen ve theih an duhthu an tarlang.

FMGE&W chuan an dilna ngaih pawimawh sakin, Mizoram sorkar hnathawkt’n DA 40% an lak mek chu November 1, 2025 a\angin 4% a tihpun remtih a nih bakah, April 1, 2026 a\angin 2% a tihpun leh tura pawm a ni tih tarlangin, “Kan lawm takzet a ni. Sum harsa tak karah sorkarin pawisafai (cash) a DA pung min pe tur hian kan lawm a tizual hle. Tunah hian Central Sorkar hnathawkten D.A hi 58% an la mek,” an ti.

Central Sorkar hnathawkte chuan thla ruk danah Consumer Price Index (CPI) milin an tipung thin tih tarlangin FMGE&W chuan, “Tuna Mizoram Sorkarin D.A a pek thar tur, zaa sawmlipali (44%) hi kum hnih vel kaltaa central sorkar hnathawkte DA lak zat a ni,” tiin allowance pek dan tur Mizoram Sorkar notification dinglai anga Central Sorkar hnathawkte ruala ke an pen ve zel theih nana sorkarin a ngaihtuah sak zel an beisei tlat tih an tarlang.