Nov 07, 2025
Friday
Mizoram Police-te chuan ṭum khata heroin a man tam berna, Saitual PS Case No. 63/2025, dt 23.08.2025, u/s 21(c)/29/25 of the ND&PS Act r/w Sec 14 of the Foreigners Act thubuaia meizang hlaptu Joseph Lianthangpuia (42) s/o Lianchhuma (L), Chanakya Place, New Delhi chu Delhi-ah tunhnai khan an man.
He case-ah hian lirthei pakhat B/R No. MZ-01X-1909, Lalliancheua (20) s/o Challianzula, Falam, Myanmar khalh aṭangin heroin kgs. 15 man a ni. Police-te chuan he thubuai hi chhuizui zelin, a meizang hlaptu bera ngaih Joseph Lianthangpuia hi Delhi Police leh Special Bureau-te puihnain Delhi-ah hian an man ta a ni.
Joseph Lianthangpuia pawh hi Champhai Police Team-ten Mizoram an rawn panpui mek a, ccourt-a phalna lak leh thlawhnaa inphurh thlengin Delhi Police leh Special Bureau-te hian an pui.
