Home

News

Education Minister-in skill lab a hawng

News

Education Minister-in skill lab a hawng

Education Minister-in skill lab a hawng

Nimin (29.5.2026) khan Govt Model Comprehensive School, Model Veng, Aizawlah Education Minister Dr Vanlalthlana’n New Age Technology Skill Lab a hawng.

Education Minister chuan skill lab hawnna inkhawmah thu sawiin, “Bharat Forge-te nen thawkhova New Age Technologies zirna skill lab din a ni hi lawmawm hle. Zirlaiten an țangkaipui ngei ka beisei. Skill Lab hawn tak hian zirlaite zir dan phung a thlak danglam dawn. Education hi tun hma chuan ziak, chhiar leh vawn a ni mai a, tunah erawh chuan khawvel a inthlak danglam nasa tawh a, engnge kan siam theih tih leh kan chinfel theih tih hi a ni tawh zawk. Robotics sang tak tak te, drone te, 3D printing te simusoft atanga kan hmuh theih bungrua hrang hrangte hi a tha hlawm hle a, zirlaiten an thil hriat leh thiam te chu hmuh theiha an chantir theih ka beisei,” tiin Bharat Forge-ten zirtirtute training pe a, zirlaibu an pe bawk avanga a lawmthu a sawi.

Mizoram Sorkar leh Bharat Forge-te chuan thawk dunin, CSR kaltlangin he technologies lab hi an din a ni. Bharat Forge hnuai atang hian Simusoft Technologies te chuan skill lab din hna an thawk a, software hmanga robot khawl chi hrang hrang hnathawk thei tura design dan zirna a ni. Industry lian tak taka khawl hmanga hna an thawh dan te, mamawh dan a zira khawl siam dan turte he skill lab atang hian an zir dawn.

More Posts

Armed Veng South-in remti lo

Armed Veng South khawtlang (Local Council leh All NGO) hruaitute chuan methamphetamine vanga man tawk an veng mi pahnihte chu, jail atanga an chhuah atanga kum khat chhung an venga chen an remti lo. Armed Veng South LC leh All NGO chuan, “May 27, 2026-a Excise & Narcotic Department leh 23rd Assam Riffle tangkawpin Lawngtlaia […]

Hei aia tha kawng neih kan phu – Dr. Thangtea

Vawiin (30.5.2026) hian Dampa MNF West Block Leaders’ Meet chu Phulbial Community Hall, Phuldungseiah neih a ni a, Bialtu MLA Dr. R. Lalthangliana, MNF Senior Vice President chuan a hmanpui. Dr. R Lathangliana chuan AMC-ah kum 10 zet (term 2) a zawnin MNF an sorkar tawh tih sawiin, “Mipuiin ko thlak ve riha midang enchhin […]

Tuiah chesualin a tla hlum

C Malsawmdawngzela (16) s/o C Zodinthara, Sesawng Field Veng chu nimin (29.5.2026) khan luiah chesualin a tla hlum. Sesawng atanga Bengvarna thudawn danin, C Malsawmdawngzela hi Sesawng leh Khawruhlian inkar Tuirini Lei bula thil pawimawh tia an kal, nghah an neih laiin Tuirini Lei hnuaiah inchiah dai turin an kal a ni. Mipa pathum tuiah […]