Eitur expired tawh man leh a ni

Serchhip District Consumer Protection Council-in Serchhip District chhunga dawr hrang hrang zingah expired tawh bungrua lo zuar ru an awm thu leh hralhchhuak thin an awm tih report an dawn bawhzuina kal zelah nimin (20.11.2025) khan Serchhip Bazar leh a chhehvela dawr thenkhatah eitur expired eng emaw zat an man belh.

Lenkawl Editor Zonuna Kawlni hnen atanga thudawn danin, dawr endik hian Health Department hnuaia Food & Drugs Administration, Police, Consumer Union leh Legal Metrology-te an tawk chhuak chhunzawm leh a ni. Nimin khan dawr psnga an enfiah atangin eitur chi hrang hrang, a siamtuten a expire hun an bithliah pel tawh si, mipui lei theih tura la zawrhchhuahte chu an leh a ni. Hengte hi hralhchhuah theih loh tura dah niin, dan anga hmalak zui zel tura ruahman a ni.

Dawr enfiahna a kalte chuan sumdawngten eitur chi hrang hrang an zawrhte chu an endik tih sawiin, “Dawr lian ho kan thlur deuh bik rih. Heng dawr te hian dawr te zawka zawrh tura an hralhchhuah leh thin avangin hetiang hian hmalakna kan kalpui hmasa a ni. Thla tin dawr te hi enfiah zui zel turin ruahmanna kan siam,” an ti.

Tarlan tawh angin, Serchhipa dawr hi niminpiah khan endik a lo ni tawh a, eitur expired tawh thahnem tak man a ni.