May 30, 2026
Saturday
Vawiin (30.5.2026) hian Dampa MNF West Block Leaders’ Meet chu Phulbial Community Hall, Phuldungseiah neih a ni a, Bialtu MLA Dr. R. Lalthangliana, MNF Senior Vice President chuan a hmanpui.
Dr. R Lathangliana chuan AMC-ah kum 10 zet (term 2) a zawnin MNF an sorkar tawh tih sawiin, “Mipuiin ko thlak ve riha midang enchhin an duh. Mizoram puma MNF dinhmun tilangtu a hman theih a ni lo. Inenfiah leh inzirna atan tangkai takin kan hmang mek.Hetih lai hian Dampa Bial leh Zoram hmun hrang hrangah MNF zawm thar Pathianin min pek belh zel a ni,” a ti.
Tun hnaia Aizawl khawpui kawng siamna sum kha MNF dik leh huaisen rah a nih thu sawiin Dr. R Lalthangliana chuan, “Contractor hnathawk tha lo court-a MNF Sorkarin a khin hnehna penalty sum tlingkhawm cheng vbc 90 leh nuai 60 hmanga siam a ni. Aizawl khawpui kawng siam theihna chhan kha MNF-in Mizoram pawn thlenga huaisen taka court-a a din rah a ni. Chuvângin, Aizawl khawpui kawng thawm that hnaah hian MNF-in ZPM aiin tha kan thawh hnem zawk a, credit pawh 70% chu kan hauh ngam,” tiin MNF sorkar sum hlawhchhuah bakah, kawng siamna tur oil man atanga chhiah sang uchuak min khawn ngaihtuah chuan hei aia tha kawng neih hi kan phu hle niin a sawi.
MNF tarlan danin, vawiin hian Phuldungsei veng chung atangin INC voter 4 leh ZPM voter 4, Pavatui atangin voter 8, W.Phulpui atangin voter 2, Kawnmawi afangin voter 2, Lallen atangin voter 7 leh Phuldungsei atangin voter 9, a vaiin voter 36-te chu Bialtu MLA hian MNF-ah a lawmlut.
