News

Mizoram Police tarlan danin, ni 5.06.2026 zing lam dar 3:00 vel khan, passenger phur taxi pakhat
chu rinhlelh thilah Zote khaw dai Assam Rifles Check Post, Tiau lui panna kawngah lo tih din a nih thu Champhai Police-te chuan an dawng.

Champhai Police-te chu a hmunah
hian kalin lirthei hi an han dap a, mahse engmah hmuhchhuah an nei lo. Hemi hnu hian a chhunga chuang hmeichhia, Dimsianzovi (32), Jail Veng, Champhai chu a taksaah ruihhlo a thup nia rinhlelh a nih avangin Gazetted Officer hmaah
hruai a ni a, kekawr hak chhung lama a thuhruk, heroin bawm 5 (66 grams) chu hmuhchhuah a ni.

He thilah hian Champhai CPI-PS C/No. 89/26 dt. 05/06/26 u/s 21(b)
NDPS Act tlawhchhanin case ziah luh a ni.