Inhliam an awm lo &#8211; Bawngkawn Shalom

Bawngkawn Shalom Presbyterian Kohhran chuan nizan (19.11.2025) a an biakin kan chungchangah a hnuai tarlan ang hian thuchhuah an siam a, inhliam an awm loh thu an tarlang.

AN THUCHHUAH :

Zanin 19.11.2025 (Nilai zan) inkhawm lai, zan dar 7:30 vel khan Bawngkawn Shalom Kohhran chowkidar quarters chu gas leak avangin vanduai thlak takin kangmei a chhuak hlauh mai a, thelh mih theih mai a nih loh avangin Fire Brigade biak tlang nghal an ni a, anni pawh rang takin an lokal nghal.

Mihring tumah inhliam awm loin kangmei min thelh mih sak thei a, an chungah kan lawm hle. Kangmei chhuak avangin chowkidar-te bungrua bakah kohhran go down a kan tel avangin kohhran bungrua erawh eng emaw zat a kang chhe hman. Vengchhung mipui leh kohhran mite rawn tlankhawm nghalin a tul ang ang a bungruate seng hawi nghal a ni.

Kan chanchin hria in kan Minister zahawm tak Prof. Lalnilawma, i/c Disaster Management etc. leh Lalhriatpuia, Deputy Commissioner, Aizawlte chu a hmun a rawn kalin min rawn tlawh nghal. Kan Minister hian hnatlang thingpui in na tur Rs. 5,000/- min rawn pe nghal a an chungah kohhran kan lawm hle.