News

Mizoram Sorkarin West Asia-a buaina avanga sum sen tihtlem nan leh tuialhthei hman a tlem zawk theihna atana inrenchemna kalpui tura office memorandum tihchhuah chu vawiin (19.6.2026) hian a sut.

GAD chuan vawiina office memorandum an tihchhuah chuan, “USA leh Iran-te inremna pawmna an neih avang leh West Asia-a buaina a ziaawm avangin, Mizoram Sawrkarnin economy leh petrol/diesel hman tih hniam dan chungchangah ni 29.05.2026-a office memorandum tihchhuah tawh kha ngaihtuah thar leh a ni. Chung thil thleng thar avang chuan, ni 29.05.2026 a office memorandum kha tun atangin thiah a ni a, chunga thupek zawng zawng pawh chu hnawl vek a ni,” an ti.

Office memorandum thar tihchhuah a nih tak avangin department zawng zawngte office hun leh hna thawh dan pangngai ang bawkin hna an thawk leh tawh tur a ni.