Jun 12, 2026
Friday
POSCO Act avanga Champhai District Jail-a tang, damdawi in atanga tlan chhuak Lalvuana (60), Kawlkulh chu YMA leh Police tangkawpin an man leh.
Thudawn danin, Lalvuana hi a damloh avangin Champhai District Hospital-ah enkawl a, damdaw in atang hian ni 10.6.2026 khan a tlan chhuak a ni. Amah vengtute an inthlak laia tlan chhuak a, taxi hmangin a tlanbo a ni.
A tlan chhuak tih an hriat veleh Champhai Police-te chuan chhui zui nghalin, taxi hian Ngur khua thleng a kal tih hriain, an um zui nghal. Ngur-ah hian raltlan in pakhatah lutin, a luhnate hian an hmelhriat a nih loh avangin an thenawm khawvengte hnenah thil awmdan an hrilh a ni.
Ngur Branch YMA hruaitute punin, Champhai Police-te nen Lalvuana hi nizan (11.6.2026) khan an man leh a, Champhai District Jail-ah dah luh leh a ni. A tlan chhuah kaihhnawihah thubuai dang an siam belh.
