Oct 17, 2025
Friday
MPCC chuan vawiin (17.10.2025) hian an office-ah chhung inkhawm an hmang a, thusawitu MPCC Treasurer Dr. Lalmalsawma Nghaka chuan kan ram a tluchhe mek niin a sawi.
Dr. Lalmalsawma chuan, ‘Kan ram hi a tluchhe mek a, mipuite kan mangang em em tawh a, kan ram hian chhanchhuaktu a mamawh a ni. Kan sorkar hrawn mekten kut hnathawktute a enkawl danah an hlawhchham zia kan hre tawh a, an hlawhchham chho zel dawn niin a lang,’ a ti.
Inthlan dawnah khan ZPM-in Hand Holding Loan a tlangau pui MPCC Treasurer chuan, ‘Zoram mipui an phur em em a, a pung awm lova loan lak tumin an thlang tling ta. Vawiinah hian an hlawhtling em tih en a hun tawh takzet. Mi sing telin he loan hi an dil a, mi 702 chauh sorkarin a thlang chhuak a, chung zing atang chuan bank lamin mi 200 chauh loan an pe,’ tiin sorkar thlanchhuah 702 atanga 108 te chu bank lam hian an hnawl thu a sawi.
Dr. Lalmlsawma chuab bank lam hian hnawl an neih chhan chu sorkar hian mawh a phur tak tak ngam loh vang nia sawiin, ‘Sorkar hi guarantor-ah tang tak tak se, engvangin nge an pek loh ang. He loan hi private bank tam takin an kalpui ngam lo a, Apex Bank, MRB leh SBI-ten an kalpui hram a ni. He loan hi CGTSME kaltlangin rem leh rem lovin sorkarin a kal pui a ni a, bank lamin, ‘sorkarin min barh lui a ni,’ an ti.
