Kawrthah North VC-te’n lawmman an dawng

Ministry of Panchayat Raj (MoPR) buatsaihin June 3, 2026 (Nilaini) khan Scope Convention Centre, New Delhi-ah National Panchayat Awards Ceremony – 2026 programme hman a ni a, he hunah hian Mizoram atangin Kawrthah North Village Council chuan intihsiakna category pakhat Deen Dayal Upadhyay Panchayat Satat Vikas Puraskar hnuaiah lawmman an dawng.

India ram chhunga Panchayats/Village Council te zinga India ram pum huap lawmman (National Panchayat Award) hmute chawimawina leh lawmpuina hun buatsaihah hian Union Minister of Panchayati Raj Rajiv Ranjan Singh chuan category hrang hranga National Panchayat Award dawngte hnenah lawmman trophy leh certificate a hlan a; Minister of State for Panchayati Raj Prof. S.P Singh Baghel chuan kalkhawmte hnenah lawmpuina leh fuihna thu a sawi.

Mizoram atanga Localization of Sustainable Development Goals (LSDG) theme – 5 ‘Clean & Green Village’ category hnuaia Deen Dayal Upadhyay Panchayat Satat Vikas Puraskar (DDUPSVP) lawmman dawgtu Kawrthah North Village Council-te pawhin Hon’ble Minister of Panchayati Raj Rajiv Ranjan Singh hnen atangin lawmman trophy leh certificate an dawng. Lawmman pawisafai cheng vbc. 1 chu Kawrthah North Village Council bank account-ah thunluh fel a ni tawh. Hei hi khaw hmasawnna hna thawh nan tangkai tak hman tura ruahman a ni.