News

P Lalchhuanawma (53), Serchhip Kawnpui South chu nimin (13.10.2025) chhun dar 12 vel khan khuaiin a zuk vangin a thi.

Bengvarna thudawn danin, P Lalchhuanawma hian nupui neiin, fa pakhat an nei a, mi in luahin an khawsa. An inluahna bathlarah khawibelin bu an nei a, nimin tlai khan a thiante’n an hawlh a, hawlh lo tura a tih pawhin an hawlh zui a ni. Khuai hi rawn chhuakin, a thiante chu bathroom-ah an biru a, ani erawh a biru ve hman lo.

P Lalchhuanawma hi khuai hian hmun eng emaw zatah zukin, na a tih em vangin a thenawmpa punin Serchhip Damdawi In an pan a, theihtawp chhuahin an lo enkawl a ni. Hma a sawn loh avangin Aizawl lamah refer a ni. Aizawl an panpui laiin a awm dan a dik loh vangin Chhingchhip Damdawi In panpui a ni a, a hliam tuar loin a thi. Vawiin chhun dar 12 khan vui a ni.