Aug 10, 2026
Monday
Nimin (9.8.2026) hian Lallianmawia (75), Champhai Zion Veng chu a thi a, khuai zuk vangin nia hriat a ni.
Thudawn danin, Lallianmawia hian an huanah Vawk vulh pahin khuai a khawi a. nimin khan vawk chaw pe turin a kal a, a haw hun pangngaia a haw loh avangin a chhungten ohone-a biak an tum chu phone a chhan theih loh avangin ngaihven turin an kal a ni.
Ngaihven tura kalten thlam kawtah thiin an va hmu a ni. Lallianmawia luah hian khuai zukna hnuhma hmun 9-ah a awm a, a kutah khuai vuakna hmanrua a lo la hum.
Lallianmawia khuai khawi hi Khawivah a ni a, khawinghal-in an lo run chu chhanin khawinghal hian an bei ta nia- rin a ni.
A ruang an hmuh hian a taksa a lo khawng vek tawh avangin a thih hun hi chawhma lam a nih rin a ni.
Lallianmawia ruang hi nizan khan lumenpui niin, vawiin khan vui nghal a ni.
