News

Vawiin (22.10.2025) chhun khan Sakawrdaia YMA Inkhawmpui Lian vawi 75-na neih mekah Central YMA President Lalhmachhuana kaihhruaiin rorel a ni a, kum 2025-2027 kumpuan atan ‘Ruihhlo Do’ thlan a ni. Central YMA Budget (2025-2026) atan Rs. 21,149,935/- pawm a ni a, Kum 2027 a YMA Inkhawmpui Lian chu Vairengte Joint YMA thlen turin Vairengteah nghah a ni.

THURELTE :

YMA Khawih :

1. YMA inkaihhruaina leh nihphung leh hruaitute mawhphurhna rampumah inzirtira neih ni rawh se.
2. Mizoram chhunga hnamdang sumdawng, phalna nei lo tam ta lutuk hi titlem turin YMA-in hma la rawh se.
3. Mizo hmeichhiaten hnamdang pasala an neih zel loh nan Central YMA hian inzirtirna nasa zawkin kalpui rawh se.
4. Mizo Infiamnate chawisan a nih theih nan CYMA in hma la rawh se.
5. Zohnahthlak chi peng hrang hrang Mizoram a chengte zingah chi bil hmalakna a awm tawh loh nan Central YMA-in hma la rawh se

Sawrkar khawih :

1. Inner Line Permit (ILP) hi tun aia khauh leh awmze nei zawka kalpui a nih theih nan YMA-in sawrkarah thlen rawh se
2. Tui hnar humhalh dan siam ni rawh se.
3. Mizoram chhunga inkalpawhna kawngpui hrang hrang a chhiat avanga mipuiten harsatna kan tawk nasa lutuk thin hi a lo ziaawm theih nan, Mizoram Sawrkarin tun aia chak zawkin hma la rawh se.