Lalnghinglova leh Union Minister an inkawm

Nimin (6.8.2026) tlai khan Minister of State Lalnghinglova Hmar chuan Union Minister of Tribal Affaurs Jual Oram chu New Delhi-a a chenna inah an in kawm a, Tribal Affairs Ministry kaltlanga Mizorama hmalakna awm thei hrang hrangte sawidunin ruahmanna an siam.

Lalnghinglova Hmar chuan Mizoram chu tribal hlang deuhthaw, mihring zaa sawmkua aia tam Scheduled Tribe awmna a nih thu sawiin, ministry tan pawh ngaihsak leh duat ngai a nih thu Union Minister a hrilh a, “State te leh sum pawh ngah lo tak kan ni a, chutichung chuan midang pen ruala pen kan duh a, hmasawn kan tum. Theihtawp kan chhuah a, kan tlin bak piahlamah Ministry puihna kan mamawh a ni,” tiin, zirna leh sports lama tribal thalaite mamawh ziakin a thlen nghal.

Union Minister chuan Mizoram Minister chu tha taka lo dawngsawngin, Mizoram Sawrkar hmalakna tha tak takte a lo hriat thin thu sawiin, mamawh a thehluhte pawh tihhlawhtlin dan kawng a zawnpui tur thu a lo hrilh a ni. Mizoram Tourism Minister-in festival hrang hrang denchhena zin tura a sawmna chu kumin chhunga tih ngei a tum thu a sawi.