Sep 12, 2026
Saturday
Tukin (12.9.2026) dar 4 vel khan Vairengte Zalen Vengah leiminin chenna in pahnih a hnawla, mi pakhatin nunna a chan phah.
Vairengte atanga Bengvarna thudawn danin, leimin hian Lianteate chhungkaw chenna leh a bula a fapate chenna in chu zing dar 4 velah an muthilh laiin a hnawl a ni. In hi Assam type leh concrete building niin, chhungkaw thumin an luah a, chhungkhat vek an ni.
Liantea tupa Zohmingliana (14) s/o Lalramneiha chu leiminin in a hnawl vang hian a thi a, a ruang lak chhuah a ni tawh. Mi pahnih (puitling ve ve) chuan hliamna tak an tuara, Silchar-a damdawi-in panpui mek an ni. Hliam tuar dang chu ngaihtuah awm lutuk an ni loa hriat a ni.
