Jun 20, 2026
Saturday
Rinthangpuia (22) s/o Sangdingliana, Thenzawl Venghlun chu nizan (19.6.2026) khan bike leh motor insutnaah a thi.
Thulaknain a tarlan danin, Rinthangpuia hian bike khalhin, chhiat tawhna avanga Serchhipa pick-up bolero-a kal Thenzawla PHE JE-te nupa haw lam nen Thenzawl khaw chhungah nizan dar 10:30 vel khan an insu a ni.
Rinthangpuia hi damdawi in panpui vat nimah se, an thlen chuan chhan theih a ni tawh lo. Rinsangpuia hian mi a phur a, a mi phurh chu invawrh chhuakin hliamna lutuk a tuar lo. Pick up-a chuangte pawh hian hliamna lutuk an tuar lo nia hriat a ni.
Nizan khan Rinthangpuia ruang hi lumenpui a ni a, vawiin chhun dar 12 ah vui a ni.
