Lirthei tlan theih hun bituk

Mamit SP chuan thupek chhuahin, Mamit District chhung Dapchhuah leh Mamit inkar kawng (NH-44A/108) chu tun hnaiah PWD, NH Division-II ten a siamthat hna thapui thawha neih an tum tih tarlangin, ‘Helai kawngpui an siam chhunga chak zawka hna an thawh theih na turin he lai kawnga lirthei tlan dan tur ruahmanna siam a ngai a ni,’ a ti.

Mamit SP chuan Motor Vehicle Act, 1988 (Act 59 of 1988) section 115 leh Mizoram Sawrkar Notification No. B.12021/10/2004-TRP Dt.01.06.2020 in thuneihna a pek angin Mamit District chhung Dapchhuah leh Mamit inkar kawng (NH-44A/108) a lirthei tlan dan tur hetiang hian thupek a chhuah.

8:00 AM 05:00 PM – Lirthei tlan theih loh hun / Closed for Traffic

5:00 PM 08:00 AM – Lirthei tlan theih hun / Open for Traffic

Hemi hun chhung hian LMV chin hnuailamte chu Dampui to Dapchhuah inkar kawng hlui (Old road NH 44A/Diversion road) lamah tlan vek tura hriattir an ni.

He thupek hian ni 20.10.2025 (Thawhtanni) ațanga Dt.22.10.2025 (Nilaini) thleng a huam ang. Magistrate, Election Duty, VIP, Police, Excise, Paramilitary Force leh damlo phur motor te leh Emergency thil te a huam lo.