Oct 22, 2025
Wednesday
Sihhmui leh Lengpui inkara Tlawng Lei chu light motor vehicles (LMV) chin hnuai lam tan zawh theih a ni tawh.
Adviser to Chief Minister TBC Lalvenchhunga leh MLA V Malsawmtluanga chuan nimin (21.10.2025) khan Tlawng Lei hi an tlawh a ni. Home Minister K Sapdanga leh TBC Lalvenchhunga chuan October 14 khan an lo tlawh tawh a, hnathawh dan an enfiah a ni.
TBC-a chuan an kal hmasak zawkin hnathawktu company-te hnenah, October 22, 2025 hmaa LMV chin hnuailam kal thei tura hun tiam an neih thu leh huntiam chhunga LMV chin hnuailam kal theiha peihfel a ni chu lawmawm an tih thu a sawi.
November thlaah HMV kal thei turin huntiam an siam leh thu sawiin TBC Lalvenchhunga chuan, ‘Mipuiten hun rei lote chhungin airport leh khawthlang thlunzawmtu lei pawimawh tak an zawh thei tawh tur hi a lawmawm hle,’ a ti.
