Mana Motors-in an lirthei leitute an tihlim

Mana Motors chuan Inrinni (15.11.2025) khan an hnen atanga lirthei leitute tan ‘Great Escape Event’ an buatsaih a, Mahindra SUV hmangin Aizawl atanga Sialsuk thleng tlanin an intihlim.

An shoowroom, Bawngkawn atangin zing dar 9-ah Dealer Principal Dr Franklin Lalrinngheta’n a vai liam a, Mahindra SUV 25 vel inzuiin Sialsuk an pan a, litheite hi Thar, XUV 3OO, Bolero leh Scorpio te an ni.

Dr Marina chuan an hnena atanga lirthei leitute tan intihthawvenna hun an buatsaih theih avangin lawmthu a sawi a, an phu a, senso a hautak avangin kokim leh lian tham takin an ti thei lo zawk tih a sawi rualin ‘An ngaihlu tlang hle a ni,’ a ti.

Mahindra off-road instructor Ravi Agarwal chuan telpuiin, zai thiam Sangtei Khoptawng chuan kal khawmte zaiin a awi a, zanriah kil ho nghalin hlim takin hun an hmang.

Indian automobile company lian Mahindra & Mahindra chuan 1996 atangin Mahindra SUV leitute tan ni khat awh Great Escape a buatsaih tan a, kawng chhiaah tlanin hlimawm takin hun an hmang thin.

Mizorama Mahindra full range dealer Mana Motors pawhin Mizoramah mumal takin Great Escape a buatsaih thin a, tun tumah hian tunhnaiah an sumdawnnain hma a sawn avangin anmahni dawrtute hnena lawmthu sawi an ngai pawimawh a, chu chu an tih chhan lian tak a nih thu an sawi.

India ram pumah GST thar hman a nih hnu September atanga November 15, 2025, thla hnih leh a chanve chhungin Mana Motors-in Vahan-ah lirthei an hralh tawh 538 an ziak lut. Thla khat chhungin thla chanve hma lam aiin a tawp lamah an ziak lut hnem viau thin a, tun November kal mekah pawh chutiang chu a nih leh ngei an beisei a ni.