Mawi lo taka hmeichhe laka chea puh man

Hmeichhe laka che mawi loa puh Md. Shahid Ahmed (36), Dawrpui Venga cheng lakah thubuai ziahluh niin, Central Jail, Aizawlah dahluh a ni.

All Women Police Station hotuten an sawi danin, he thil hi nimin (21.5.2026) tlai lama thil thleng niin, nizan khan pawikhawihtua puh Md. Shahid Ahmed lakah hian thubuai ziahluh a ni. Vawiinah court-a a inlan hnuah court thupek angin Central Jail, Aizawlah dahluh nghal a ni.

Thudawnnain a sawi danin, Md. Shahid Ahmed hi Assam lam mi niin, Bazar Bungkawn atanga Vaivakawn panna, Dawrpui Veng huam chinah dawr pahnih neiin, a chhungte nen kum eng emaw zat an awm tawh.

Nimin tlai lam khan a dawr pakhat zawka thil lei nula pakhat chu kutthawha lo fiamin, mawi lo taka a chet avangin hmeichhe chhungte lungawi lo chu police hnenah an zualko a ni. Nizan la la khan police kutah hlan niin, All Women Police Station-ah thubuai an ziaklut nghal.

A bulhnai leh a chhehvela dawr nghak hmeichhe thenkhat chuan Shahid Ahmed hian tawngkama a lo fiam thin bakah kutthawha lo fiam chang a nei fo tawh niin an sawi hlawm.