News

Vawiin (May 29, 2026) hian Lungkawlh Community Hall-ah Hrangturzo East Block MNF Conference neih a ni a, MNF Vice President Lalchhandama Ralte, MLA-in a hmanpui.

MNF Vice President chuan thu sawiin, “Tunhnai inthlan tum li awm tawhah 3-1 kan chak a, 4-0 a nih loh chhan chu kan chapo lohna tura Pathian remruat a ni. Kan party hian kum 65-na kan hmang mek a, harsatna tam tak a paltlang tawh. Thlipuiin min nuai ṭhin, chauh chang nei mah ila, vawiin thlengin Pathianin min hruai a. Mizoramin a chanvo a channa tura beitu hnam martar neitute hian chaw dang ral mai mai um a, hnam party hi chhuahsan lo turin ka sawm che u a ni.” tiin an party mite sawm.

MNF Vice President chuan, AMC inthlanpui result avangin kan lunghnur deuh a ti a. “AMC inthlan (ZPM MLA-te bial vek)-ah khan che ṭha lo angin lang mah ila, mithiam leh chik mite chuan MNF vote share aṭanga tehin hma kan sawn tih an hmu. Tin, tunhnaiah, inthlan lian tham kan neih tawhah 3-1 kan chak a. 4-0 a nih loh chhan chu Pathianin kan chapo a hlauh vang a ni. Kum 2028 MLA inthlanpuia chak ngei turin beka thlantui luang zawih zawihin kan thawk zel ang,” a ti.

Tun sorkar hotute hi an mu tui lo ṭan mai thei tih sawiin Lalchhandama Ralte chuan, “CBI-ten Lengpui scam chhui turin document an la khawm mek a ni. Unnati loan leh ekta mall-te, MZP-te dodal mek pension tawh rawih nawn chungchangte hian ZPM chhungkua boruak a nghawng hle. Chapo thei miah lo dinhmuna kan awm hi hrehawm tih nan hman tur a ni lo,” tiin an hotute’n policy leh program an duan mek thu a sawi.