MNF leh Congress-in inremna thuthlung ziak

MNF District Hqrs., Lawngtlai leh Lai District Congress Committee (LDCC) joint meeting Lai DCC President Room ni 10,11,2025-a neihin an lo rel tawh angin, LADC inthlan lo awm tur atan MNF District Hqrs., Lawngtlai leh LDCC chuan nimin (17.11.2025) khan inremna thuthlung an ziak.

Heng a hnuai point hmang hian LADC MDC Election-ah party pahnih hi an thawkho dawn a, sawrkar siam chungchangah pawh thawhho zel an tum dawn.

MDC bíal hrang hrangah Congress Party ten Official Candidate an dah lohna bialah chuan MNF Candidate an pui ang.
MDC bial hrang hranga MNF ten Candidate an neih lohna bialah chuan MNF ten Congress Party an puih ang.

Hemi bakah hian sawrkar siam chung changah pawh thawh ho zel kan tum ang.

A chunga an inremna point tarlante hi MNF leh Congress Party-te chuan an ngai thutak hle. Chuvangin hetiang ang bial an neihnaah reng reng chuan theihtawp chhuaha lo in tanpui tawn turin an party mite an ngen.