MP-in Union Minister pahnih a kawm

Vawiin (30.7.2026) hian Member of Parliament (Lok Sabha) Richard Vanlalhmangaiha chuan Union Minister pahnih – Union Culture Minister Gajendra Singh Shekhawat leh Environment, Forest and Climate Change Minister of State (Independent charge) Kirti Vardhan Singh te a dawr.

Union Culture Minister hnenah hian MP Richard Vanlalhmangaiha hian Mizoramin Tagore Cultural Complex a neih theih nan hma lak sak turin a ngen. Union Minister hian inkaihhruaina (guidelines) ennawn mek a nih thu leh guidelines thar cabinet-in a pawm hunah, Tagore Cultural Complex chu Mizoramin a neih ve ngei theih nan hma a lakpui tur thuin a lo chhang a ni.

Richard Vanlalhmangaiha hian Environment, Forest and Climate Change Minister of State (Independent charge) Kirti Vardhan Singh hnenah Mizoram Tribal Area, Dampa Tiger Reserve leh hmun dang danga compensation lak tur la tangkhangte chu a nih dan tur ang taka lak a nih vat theih nan leh RFCTLARR Act. 2023 innghah nana hmang a, compensation-te hi pek an nih ngei thei nan hma la turin a ngen a ni.

Union Minister chuan theihtawp a chhuahpui tur thu a hrilh a ni.