MP tura thlan thar lawmpui

ZPM chuan vawiin (19.6.2026) hian an office-ah Rajya Sabha MP atana thlan thar K Laltluangkima lawmpuina hun an buatsaih.

K Laltluangkima chuan thu sawiin, “Pathian rorel danah a hmasaberin lawmthu ka sawi a, kan party hruaitu leh member zawng zawngte duhsakna avangin ka lawmna a sang hle a ni. Kei aia fel leh ṭha kan party-ah an tam teh lul nen kei ber kher min thlang hi vannei ka inti tak zet a, in support-na leh ṭawngṭaipuina te, in thurawn te ka mamawh hle dawn a ni,” a ti.

Tun ṭum Rajya Sabha MP inthlan chu a hahthlak hle tih sawiin K Laltluangkima chuan, “Nasa taka chhaih buai kan ni a, Rajya Sabha MP thlan hmasak khan ZPM pawh opposition kan ni a, khatih laia rorel lai candidate kha chhaih buai lovin tluang takin inthlanna neih a nih kha. Amaherawhchu kan thil tum hi a khirh poh leh a hlawhtlinna hi a thlum ve thung a ni,” tiin a awm zel dan tur hi tun dinhmunah chuan la hriat theih a nih loh thu a sawi.

K Laltluangkima sawi danin, Rajya Sabha MP ni mek K Vanlalvena term hi July 18-ah a tawp dawn. K Vanlavena term a tawp chuan Monsoon Session-in a chhunzawm ang a, chumi hunah chuan Mizoram aiawh turin Delhi lamah a chhuk ve tawhin a rinawm.