Jun 10, 2026
Wednesday
Saitual Police Team-te chuan nimin (9.6.2026) khan Keifang khaw daiah hnamdang pahnih chuanna motor atangin opium fluid ni ngeia hriat thahnem tak an man.
Mizoram Police tarlan danin, Saitual Police Team-te chuan Keifang khaw daiah lirthei pakhat (Regn. No. UP32NZ6396), Manipur aṭanga Aizawl pan, Somraj (32) s/o Ramrakh Ram khalh chu an lo tiding a ni. Lirthei hi uluk taka enfiah a nih hnuah, a chhunga thuhruk, opium fluid ni ngeia hriat bawm 71 hmuhchhuah a ni.
Heng ruihlote hi Somraj (36), s/o Ramrakh Ram, Jodhpur, Padiyal, Rajasthan leh Kailash (28), s/o Mohan Ram, Narsing Nagar, Dhawa-1, Jodhpur, Rajasthan nia inchhalte hnen atangin an man.
Heng ruihlo man hi kgs. 45.871 a rit a niin, tualchhung rate-ah cheng vaibelchhe 2.29 zet man hu a chhut a ni. Saitual PS Case/No.57/2026 Dt.09.06.2026 u/s 18(b)/25/29 ND&PS Act tlawhchhanin thubuai ziah luh a ni a, chhui zui hna kalpui mek a ni.
