Oct 22, 2025
Wednesday
Kolasib Addl. Magistrate chuan naktuk (23.10.2025) zing dar 7 atanga kawngpui dan tum an awm avangin order khauh tak a chhuah.
Addl. Magistrate order :
Tunlai hian Kolasib District huam chhung National Highway kawng chhia avangin lungawi lohna lantira kawngpul danchah tumin Mizoram Tipper Association (Driver’s & Owner’s), District Hars. leh JAC Coordination Committee, Kolasibten ni 23.10.2025 atanga 26.10.2025 thleng awh turin hma an la mek.
Hemi chungchangah hian theihtawp chhuahin NHIDCL hotute leh contractor-te pawhin hma la in siamthat hna an thawk nghal mek a, hetianga theihtawp chhuaha kawng tha lo lai pawh siam a nih mek laia kaltlang pui luih an tumna hi mipuite tana harsatna nasa tak thlena buaina lian zawk ti chhuak thei a nih avangin mipuite venhimna leh kan that tlanna ngaihtuah a tul.
Kolasib District huamchunga Bairabi Kolasib highway, Vairengte Khamrang highway leh Kawnpui – Durllang BRO, KDA road dan kalha dan chah hi Section 126 BNSS 2023 leh Section 8 (B) of National Highway Act, 1956 dan kalh tlat a ni.
Ni li chhung Zoram pum ei leh bar lakna kawng dan pin hi mipuite tawrhna nasa tak thlen thei anih avangin mipui kan him flanna tur leh harsatna nasa zawk kan tawh lohna turin khapna thupek chhuah a tul.
Chuvangin, kei. B. Malsawmtluangi, Addl. District Magistrate, Kolasib District. Kolasib chuan Section 163 of Bharatiya Nagarik Suraksha Sanhita 2023 in thuneihna min pek angin hetiang hian thupek ka chhuah e:
- Mi tumahin mimal leh pawl, intelkhawm leh inzawmkhawm anga action committee din chawp emaw pawhin kan eibar lakna kawngpui Bairabi -Kolasib, Vairengte – Khamrang leh Kawnpui – Durtlangte engvang mahin an dangchat (block) tur a ni lo.
- A chunga kawngpui kan tarlante atanga metre 10 huam chhungah dan lo a (unlawful assembly) mi panga aia tam awmkhawm phal a ni lo.
He thupek hian Dt.23.10.2025 (Ninga Ni) atanga thuleh awm hma chuan thla hnih chhung a huam ang.
He thupek bawhchhia chu Section 223 of Bharatiya Nyaya Sanhita 2023 hmangin hrem an ni ang.
He thupek hi vawiin 22.10.2025 hian court seal nen nemnghetin hming ka ziak hnan e.
