Pawngsualtu hremna puan a ni

Vawiin (20.11.2025) hian Fast Track Court, Kolasib Judge R Vanlalena chuan a tunu kum 10 mi pawngsual thintu kum 70 mi, Vairengte hremna a puang.

Fast Track Court hian pawngsualtu hi ni 18.11.2025 khan thiam loh a lo chantir tawh av, vawiin hian hremna a puang. Kum 10 chhung jail tang tur leh Rs. 5,000 chawi turin a hrem. Pawisa hi a pek theih loh chuan kum 1 dang a tan belh ang.

Tarlan tawh angin, Vairengtea nu pakhat chuan June 15, 2021 khan Vairengte Police Station-ah FIR thehlutin, a fanu kum 10 mi chu a pu in kum 2017 leh 2018 chhung khan a pawngsual thin niin a tarlang. Hei hi Vairengte Police chuan chhuizui nghalin, pawngsualtua puh hi an man zui a ni.

Pawngsual tawk nia sawi hmeichhe naupang hi doctor-in a endiknaah mipat hmeichhiatna lam hawia khawih chingpen ngei a ni tih hriat a ni. Thubuai ngaihtuahtu Kolasib Fast Track Court Judge chuan thuhretute thusawi leh finfiahna hrang hrang atangin hmeichhe naupang hi pawngsual ngei a ni tih finfiah a ni.

(Pawngsual tawktu nihna hriat theihna a nih dawn vangin pawngsualtu hming leh thlalak tarlan a rem lo – Bengvarna)