News

August 5, 2026-a H Ramdinpuii (15), Mualthuam North thi-a an hmuhna atanga feet 10 vela hlaah August 6, 2026 khan police-te’n chemte pahnih an hmu. Chemte hi Ramdinpuii thahna atana hman a ni em tih hriat a la ni lo.

Thulaknain Zonet JB tarlan danin chemte hi Ramdinpuii thahna atana hman a ni em tih finfiah a la ni loa, Forensic Science Laboratory (FSL) lama endik tura thawn a ni. Chemte chhar a nih chungchangah, hnu chhuitute chuan, FSL lama finfiah a nih loh chuan ‘H Ramdinpuii thahna hmanrua a ni e’ tia an sawi theih loh thu leh pawikhawihna thlenna chhehvel a thil pawimawh pakhatah chuan an ngaih thu an sawi.

H Ramdinpuii thihna chungchangah hian police-te chuan mi thenkhat thu leh hla ngaithla tawh mah se, uluk lehzuala an chhui mek thu an sawi. Tun dinhmunah chuan rinhlelha khalh fâl bik an awm loh thu leh, An thil hriat tamtak te lakhawma an thlitfim mek zel thu an sawi.