May 25, 2026
Monday
ZPM chuan vawiin (25.5.2026) hian an office-ah chhung inkhawm an hmang a, thusawitu Home Minister K Sapdanga chuan police lak a nih leh dawn thu a sawi.
Home Minister chuan police lak a ni leh dawn tih sawiin, “Kan sorkarin Home Department min phalsak angin police tiang keng chi 150 leh silai keng chi 200, a vaiin 350 lak leh kan tum. Nikumah fair takin lak a ni a, kan zawng chhang, a fair leh hle ang,” a ti.
K Sapdanga chuan physical efficiency test, written exam leh interview a awm leh dawn tih sawiin, “Heng inelna chi thum hi mark puttir vek tum a ni. Silai pu tura Sap tawng thiam kawngro suttir lutuk kha a awm tawh lo ang. Sorkar thupek angin exam zawhna chu MPSC-in siamin a endik leh ang. Nikuma lak 259-te kha an kawng kal dan atang ringawt pawhin an training tha tih a lang,,” tiin training chhungin ruih theih thila buai an awm loh thu a sawi.
Mizoram Police-te fitness-ah leh discipline-ah tan an lak zual zel tur thu pawh Home Minister hian a sawi a ni.
