Jun 09, 2026
Tuesday
Champhai Police leh Assam Rifles tangkawp chuan nimin (8.6.2026) khan 0.32 mm Beretta Pistol (Italy siam) an man.
Assam Rifles tarlan danin, Champhai Police nen hian ralthuam dan loa zawrhna a awm tih intelligence input mumal tak hmanga hriat a nih hnuah, nimin khan join operation rang tak leh ruahmanna fel taka siam an kalpui nghal.
He operation an kalpui lai hian, team tangkawpte chuan mi pakhat, Dr Thomas Lallina-a an tih chu, 0.32 mm Beretta Pistol, dan loa hralh tuma a che lai an man. An zawn chhunzawm zelnaah chuan pistol bakah hian magazine pakhat leh silai mu pathum an man belh.
An mi man leh pistol, magazine leh silai mu an man zawng zawng te chu chhui zui leh dan anga hmalak chhunzawm turin Champhai Police Station-ah an hlan nghal.
