Nov 22, 2025
Saturday
Rengdil khua, Mamit District chuan kuminah an kuhva rah cheng 10,00.52 man an hralh tawh.
Bengvarna zawhna chhangin Rengdil khuaa kuhva chingtu pawl hruaitute chuan, Rengdil khuaah hian chhungkaw 380 velin kuhva rah an ching a, kuminah kuhva rate a that avangin kumdang aiin kuhva hralhna atangin an hmuh hnem thu an sawi.
Kuhva chingtute chuan Myanmar atanga kuhva tawlhruk a ziaawm tak avangin kuhva rate a that thu an sawi a, “Kuhva tawlhruk a nasat lai chuan bag 1 Rs. 1200 – 1500 in kan hralh. Kuminah chuan Rs. 2500 – 3000 in kan hralh thei,” an ti.
Sorkar chungah an lawm takzet tih sawiin kuhva chingtute chuan, “Kuhva tawlhruk hi a la reh famkim lo maithei. Mah se, a ziaawm tawh takzet,” tiin kuhva tawlhruk report an dawn meuh tawh loh thu an sawi.
Kuhva chingtute chuan January 2026 thleng kuhva hralh tur an neih an ring a, cheng nuai 100 man chu an khuain an la hralh theih an beisei.
