Nov 23, 2025
Sunday
BSF, Aizawl leh Excise & Narcotics Department tangkawp chuan ni 21.11.2025 zan khan Chanmari West-ah heroin leh methamphetamine thahnem tak an man.
Excise leh BSF tangkawp hian an thudawn bawhzuiin Aizawl leh Seling inkarah joint operation an nei a, an motor rinhlelh hnamdang (vai), Assam mi pahnih chuanna chu lo ti dingin an endik a ni. Uluk takin endik mah se, ruihhlo hmuh an nei lo. Thu an zawhfiahna atangin Chanmari West-ah ruihhlo hi lak an tum tih hriat a ni.
Hnamdang pahnih hruaiin Excise leh BSF mi leh sate chuan Chanmari West hi an pan a, Myanmar mi pahnih lo awmna in chu an enfiah a ni. In atang hian methamphetamine kgs. 5.89 leh heroin grams 41, a pahnihin cheng vbc. 4.79 man hu hmu chhuakin an man nghal. Vai pahnih leh Myanmar mi pahnihte pawh man an ni.
Excise chuan ruihhlo leh mi palite hi kawlin, thubuai an ziaklut a, a kaihhnawih dang awm theite an chhuizui mek a ni.
