Jun 22, 2026
Monday
ZPM chuan vawiin (22.6.2026) hian an office-ah chhung inkhawm an hmang a, thusawitu ZPM PAC Member TBC Lalvenchhunga, Adviser to CM chuan ZPM-ah senior leh junior an awm loh thu leh Pu Duha leh Pu Sapa tih a rik leh tawh thu a sawi.
TBC Lalvenchhunga chuan ZPM chu duhthusam ni bik lo mah se, sorkarna lo chelh tawhte ai chuan an thawk tha rih tho tho tih sawiin, “Ngaihdan inang lo chu a awm thin, hei hi thil pangngai a ni, ZPM Party-ah inlungrual lohna awma min puhna erawh hi chu a dik lo. ZPM-ah hian senior leh junior kan awm lo. ZPM hi kan zavaia kan siam a ni,” tiin an party mite chu mahni hmasialna leh duhamna tel lova ram leh hnam tana ngaihtuahna seng turin a ngen
CM leh minister-te an mawi chuan an zavaiin an mawi tih sawiin Adviser to CM chuan, “Thil dik lo an tih loh nana fimkhurpui turin party hruaitute kan pawimawh. Huaisen tura kan inzirtirna te hi hre rengin, thil dik lo ti turin nawr lo ang u. ‘Kei chu ka chan ngam ang e’ ti ngam ang u. Mipui hi kawng dikah kan kaihruai ngam tur a ni. Tu mah hi kan famkim lo. Duhthusam ni lo mah ila lo sawrkar tawhte ai chuan kan thawk țha rih tho tho,” a ti.
TBC Lalvenchhunga chuan tun hnaiah a ngaite bawkin ‘Pu Duha, Pu Sapa’ tih a rik leh tawh thu sawiin, “He party-ah hian lungrual lohna a awm lo. PAC thu rel te a leak a, thu veivir ching, kan keh chhiat pawi ti lo hi chu an awm a ni. Kan keh chhe dawn lo,” tiin an insiamthat zel zawk dawn thu a sawi.
