Sum leng vak tlem chhan sawifiah

Vawiin (23.10.2025) a ZPM Aizawl East-II Block-in Dawrpui Multipurpos Hall-a conference an hmannaah Bialtu MLA B Lalchhanzova, Minister of State chuan sum leng vak tlem chhan a sawifiah.

B Lalchhanzova chuan, ‘Tun hnaiah eptu party-ten sum lengvak a tlem tiin thu an ti thang chiam a, kalphung remdik chhoh zel a nih avang hian pawisain a hlutna tak tak a rawn lanchhuah tir ta a ni. Tun hmaa ram leh In hmun lem hralh vak vak thin kha a rem chho ta a, smuggler-te an tawmim chho a, buhfai kawng bote pawh a tlem chho sawt tawh hle. Dan loa thiltih avang sum lakluhna kua a pin tak zel avang hian ho mai maia sum thehthang a tlem ta a, hei hian sum lengvak tlem angin a tilang a ni,’ a ti.

ZPM Sorkarin kut hathawktute account-ah cheng vaibelchhe 120 chuang sawhthing man a thun tawh tih sawiin B Lalchhanzova chuan, ‘A sum faia hmu lovin an account-ah a awm. An ipteah ni loin an bank account-ah a awm avang hian kut hnathawktuten an thawhchhuah ngei hi an hlut tawh hle a ni. Ration buhfai pawh thla tin sem hma kan tum a, tum angin thil a kal tluan theih lohna chhan chu NIC atangin signal kan hmu that loh vang a ni a, India ram pumpui a nih avang hian State mala lo tih theih a ni lo,’ tiin tunah hian Buhfai chhekkhawl sa thla 2 chhung sem tur a awm thu a sawi.