News

Chief Minister Lalduhoma chuan vawiin (24.6.2026) a press conference a neihnaah Tourism secretary atana Tourism director ruat a nih chhan a sawifiah.

Chief Minister chuan Tourism director dinhmun joint director-in a la qualify loh vangin director tur hi ngaihtuah ngai a nih thu sawiin, “Tuin nge la thei ang tih dan kan zawng mek. Chumi chhung chu Tourism Minister-in a secretary chu director tur tihfel hma chelh lawk turin a rawt a ni. Thil awm ngai lo ang maiin kan sawi a, Commerce & Industries ah pawh secretary-in director hna a chelhkawp mek a, Social Welfare-ah pawh rei tak an chelh kawp. Tourism a nih vangin kan sawi ta hluai. A chelh lailawk a ni a, a rei dawn lo,” a ti.

Tourism Secretary phei chuan chelhkawp hi a duh lo tih sawiin Chief Minister chuan, “Ka pu min tih hlum em ni, ka hah lutuk a ti hial,” tiin a minister-in tlawmngai tura a tih vangin a chelh tawk tawk thu a sawi.