Tuiluankawr kan ngai pawimawh &#8211; K Sapdanga

ZPM chuan vawiin (10.11.2025) hian an office-ah chhung inkhawm an hmang a, thusawitu UD&PA Minister K Sapdanga chuan chhiatrupna laka invenna atan tuiluankawr an ngaih pawimawh thu a sawi.

UD&PA Minister chuan Aizawl khawpui leh district hrang hranga harsatna lian tak kan tawh, leimin chhiatrupna laka inven beihpui thlak nana tuiluahkawr siam nan UD&PA chuan Sawrkar Laipui atangin SASCI hnuaiah cheng vbc. 103 an dawn thu sawiin, “Aizawl khawpuiah cheng nuai 6,100 ruahmanin hmalak chhoh mek a ni tawh a, cheng nuai 4,200 hmangin district dangah thawh a ni ang,” a ti.

Leimin siamtu ber tuiluankawr kan neih that loh avangin an ngai pawimawh takzet tih sawiin K Sapdanga chuan, ‘Chhungkaw tinten kan choka leh tui khawihna atanga tui kan paihchhuah danah tui luankawr tha tak kan neih theuh a ngai. Heng tui luang khawm zawng zawng hi tuiluankawr lian zawkah a luangkhawm ang,” tiin tui thianghlim zawk hman theih siam chhuah leh an tum thu a sawi.