News

Vawiin (6.6.2026) hian tuiah mi pahnih an tla a, thiin hmuh an ni ve ve tawh a, an tlakna atangin an ruang lak chhuah a ni tawh..

Lalbiakdika (36 vel) vel chu vawiin tlai khan Serlui A, Reiek kai Tlawng Lei thlen hmaah a tla. Zanin dar 8:10 vel khan a ruang lak chhuah a ni.

Kulikawn atanga Bengvarna thudawn danin, Lalbiakdika hi Solomona High School-ah zirtirtu niin, Kulikawnah mi in luahin a awm a, Kawrtethawveng khua a ni. Vawiin hian a thiante nen Serlui A ah hian an kal a, luiah a chesual palh a ni.

Lalbiakdika tui tlak thu hi chu kan post tawh – Bengvarna

Bonfura (21) chu vawiin tlai dar 4 vel khan Lungverha picnic spot-a tuikhuahah chesualin a tla.

Lungverh atanga Bengvarna thudawn danin, Bonfura hi Myanmar atanga rawn raltlan, Mualpui, Aizawla hostel pakhata awm, zirlai nia hriat a ni.

Vawiin hian an thianhoin an picnic a, picnic spot huam chhunga tuikhuahah tlai dar 4 velah a tla a, zan dar 7 velah a ruang lak chhuah theih a ni