Vui hun tur la hriat loh

August 3, 2026 zan atanga chin hriat loa bo, vawiin (5.8.2026) chawhma dar 10 vela thi-a hmuh H Ramdinpuii (15) d/o H Lalawmpuia, Mualthuam North chu a vui hun tur a la hriat loh. Police-in uluk takin an chhui mek. Mi kuttuar a nih ngei rin a ni.

Thudawn danin, H Ramdinpuii ruang hi zaninah lumenpui a ni dawn a, naktukah Lungleiah postmortem a ni ang. Postmortem zawh hun a zirin a vui hun tur khawtlang hruaituten an ruahman ang.

H Ramdinpuii nghawng (hrawkah) chema zaina hnuhma ni ngeia hriat hmuh niin, hmundangah pawh a hliam an hmu a, vihna hnuhma nia hriatte pawh a hmu nia thudawn a ni. A silipar khing lehlam a bun a, a lehlam chu he thu buatsaih lai thleng hian hmuh a la ni lo.

Lunglei Police-te chuan ruang hmuhna hmunah hian kalin, thil thlen dan uluk leh ngawrh takin an chhuizui mek. An chhuina atanga an thil hmuhdan atangin thubuai an ziaklut ang. He thuziahlai thleng hian rinhlelh man an neih hriat a la ni lo.

Tarlan tawh angin, H Ramdinpuii hi vawiin chawhma dar 10 vel khan an khaw middle school hnungah thiin hmun a ni.