West Phailengah Rijiju a campaign

Vawiin (22.10.2025) hian Dampa Bial MLA by-election lo awm tur atan Union Minister of Parliamentary Affairs & Minority Affairs Kiren Rijiju chu West Phailengah a campaign a, campaign a kick off nghal.

Kiren Rijiju chuan mi hrang angin a lokal loa, Dampa Bial mipuite unaupa angin a lokal tih sawiin, ‘India ramin zalenna a hmuh atang a kum 78 ah hian India ram sorkarin minority minister turin, kei minority ngei mai incharge atan min dah hi avawi khat na a ni. Congress hunlaiin NE mipuite hi dah pawimawh kan ni ngai loa, nimahsela Pu Narendra Modi sorkarna hnuaiah erawh chuan NE mite min dah pawimawh em em a, in minority pui ngei union minister-ah min dah,’ a ti.

Dampa Bial mipuite tana a chah duh sawiin Union Minister chuan, ‘Dampa Bial hmasawnna tur atana MBJP President Dr K Beichhua, MLA leh BJP official candidate Lalhmingthanga thusawi zawng zawngte kha a taka ti hlawhtling turin helai hmunah hian ka lo kal a ni. Siaha mipuiten BJP MLA pahnih an nei a, Siahaah development project tamtak kan pe,’ tiin Dampa Bial mipuite pawhin development an duh a nih chuan BJP candidate an thlan tlin a ngaih thu a sawi.