YMA-in nausen ruang an la

Zuangtui Branch YMA chuan vawiin (17.10.2025) hian Civil Hospital, Aizawl atanga a nu leh pain an tlanchhiat san nausen ruang lain, an phum.

Zuangtui Branch YMA atanga thudawn danin, nimin khan nupa pakhat chu nau nei turin Civil Hospital hi an pan a, tlai lamah nau chu an nei a ni. Naute hi a that vak loh vangin ICU ah an dahlut.

Civil Hospital-a an in sawi danin naute nu hi Rakhel Lalchhandami niin naute pa hi Vanlalmawia a ni a, Zuangtui a awm angin an in sawi.

Damdawi in a thawk tuten damdawi lei tura an tir chu an let leh ta reng reng lo a, an nupa hian an fanu ICU a awm chu an tlanbo san ta a ni.

Civil Hospital-a doctor-te leh thawk tuten theihtawp in buaipui mah se, tukin khan naute hi a thi. Civil Hospital lam atangin chanchin Zuangtui YMA-in an dawng a, buaipuitu awm lo chu ruang hi an hlawm a ni.

YMA hian Bawngkawn Police Station leh Aizawl Police Station-ah report kan thehlut ta a, police lamin a tul ang angte an buaipui hnuah Civil Hospital atangin a ruang kan in la chhuak a, Zuangtui Thlanmualah an vuiliam ta a ni,

He naute lainat awm tak nu leh pa hi tunge an nih a, Zuangtui ah an awm tak tak em tih an hrethei lo. Chutiang mi hria chuan Zuangtui YMA hruaitute henah hrilh turin an in ngen.