Oct 22, 2026
Thursday
Vawiin (October 22, 2026) hian MPCC chuan Serchhipah ‘Vote Humhim La, Ram Chhanhim Rawh’ tih thupui hmangin campaign an nei.
He huna thusawitu zinga mi MPCC Vice President Zodintluanga, Ex. Minister chuan Mizorama MLA inthlanpui neiha kum tawpa ‘8’ a awm apiangin Serchhip Bialtu MLA, CM nibawk an tla ziah, kun 2028 ah tunge tla dawn,” a ti.
ZPM sorkar chu ZNP sorkar tiin thlak a ni mek tih sawiin Zodintluanga chuan, “ZPM sorkar nana thawh hlawk em emte ZNP sorkarah an beidawng mek. Central a Congress sorkar laiin Kristian tihduhdah a thleng ve fo. Mah se, tute nge a titu te? BJP note RSS te an ni,” an ti a, ZNP sorkarin BJP mawngzawm an tum mek thu a sawi.
MPCC Vice President chuan ZPM sorkar lai ang em em a kawngchhia a la awm lo nia sawiin, “ZPM sorkar Education Minister chuan MSZU hmun tihfel hmain a chhungkhatte hnaah a lo thun fai vek. Hetiang sorkar thlak tur hian Congress kan lo kir leh dawn a ni,” a ti.
