Rul chi thar hmu chhuak

Department of Zoology, Mizoram University a Prof.H.T. Lalremsanga leh a research scholar Lalbiakzualate thawhpui  Vietnamese herpetologist Tan Van Nguyen leh German herpetologist Gernot Vogel te chuan Mizoram leh a ṭhenawm state, ram ṭhenawm Bangladesh, Myanmar leh Asia chhimchhak a rul chi hrang2 te an DNA leh pianphung an zirchianna aṭangin Rakhine Yoma Elephant Wildlife Sanctuary aṭangin kawr ruam a khawsa chi rul chi thar (new species) hmuchhuakin a hmingah French taxonomist ropui, Patrick David hmingchawiin _Herpetoreas davidi_ tiin an phuah.

An rul species thar hmuhchhuah hi khawvel scientific reseaech journal ropui, European Journal of Taxonomy volume 932 chuan May 4, 2024 khan a tlangzarh (published) a ni.

Prof. HT Lalremsanga chuan "He rul chi thar hi an chanchin hriat tur ala tlem hle a, hriat theih chinah he rul hi rul lian lo tak, feet 1 leh inches 9 aṭanga feet 1 leh inches 11 niin, tur neilo chi, (non-venomous) an ni a, uchang te an ei ṭhin a, hmunhniam leh phairuam boruak hnawng cherh churh leh lum lam a khawsa chi an ni a. An biology leh an inzarpharhna chin hi chiang lehzual a zirchian a chakawm hle a ni" a ti a ni.