Sava tihhlum an ni
admin 04-May-2024 02:46 PMTun hnaiah sava vang tawh tak Vangá leh Vahrit thi tawh thlala social media-ah a darh avangin Forest Department chuan FIR an thehlut.
Bengvarna thudawn danin, Vangá leh Vahrit thi tawh thlalak darhah hian water mark-ah Chhakchhuak Enga tih a chuang a, heivang hian Mizoram chhung ngei a nih rin a ni. Cyber Crime Police lamah thlalak hi tu lak nge a ni tih hriat chhuah tumin Forest Department an kal dawn.
Vangá leh Vahrit hi nungcha humhalh bik scheduled 1 ve ve an ni.
Tarlan tawh angin Conservation Mizoramin kan rama sava zirchianna kalpui mekah April 7, 2024 khan Vangá Blyth's Tragopan _Tragopan blythii_ chu Thaltlang khaw ram chhung, Phawngpui National Park nena inriah thla lak fuh a ni a; hei hi Mizoramah Vangá ala awm ngei a ni tih kum 10 hnu a chian leh theihna awmchhun a ni.
Vangá te hi International Union for Conservation of Nature (IUCN) leh BirdLife International te chuan mang mai hlauhawm hnai tawh vulnerable category ah an dah a ni.