Hliappuiah chenna in a kang

Tukin (5.5.2024) dar 2:45 vel khan Hliappui khua, Saitual District-ah chenna in pakhat Assam Type bungraw chuh hman lohin a kang ral vek. 

Hliappui atanga Bengvarna thudawn danin, chenna in kang hi Biaklawma in an ni a, tunlai hian a fanu nula chauh a cheng. Nizanah current a awm loh avangin bati a chhi a, a muthilhsan. A harh chuan in hi a lo kang nasa deuh tawh a, bungraw chuh hman loin a tlan chhuak. 

Biaklawmate in tur hi vawiin hian khawtlangin inkhawm loin an sa nghal. In sakna hmanrua turte VC, tlawmngai pawl leh mi inphalten an thawhkhawm.