Miss Mizoram audition nei

Miss Mizoram 2024 thlanna kal chho mekah vawiin (25.3.2024) Hyve City Hall, Aizawlah audition round neih a ni.

Audition round-ah hian dilna thehluttute zing atangin mi 10 chuang judge-te hmaah an inlan. Audition result hi March 27, 2024 (Nilaini) zanah ZONET TV-ah leh Miss Mizoram social media-ah puan a ni dawn a, final rounds-a tel turte hriat chian theih a ni tawh ang.

Miss Mizoram 2024 thlanna kal mekah hian district MJA hrang hrangte'n an district aiawha tel turte an thlang mek a, district tam ber chuan an aiawh turte an thang fel tawh a, district thenkhat chuan an puangzar tawh.

Kumina Miss Mizoram thlanah hian April 4, 2024-ah final round tan tum a ni.