Pawngsual rawntua puhte an man

Tunhnai khan Vaseikai Police Station-a thawktute chuan an huam chhunga mi pawngsual rawntua puh, hnamdang mipa pali an man a, tunah chuan Lawngtlai Police-te'n an kawl.

Lawngtlai atanga Bengvarna thudawn danin, mi pawngsual rawntua puhte Tanchangya hnam an ni a, an zinga pahnih chu kumtling lo an ni a, pahnih chu kumtling tawh a ni thung. An pawngsual rawn nia hriat hi hmeichhe kumtling tawh niin, an hnam pui tho a ni. 

Kumtling lo pahnihte hi home-ah dah an ni a, kumtling tawhte chu Lawngtlai Police-te'n thu zawhfiah atan an la kawl. Medical report pawh an la ngaichang mek.