Rsa'n subscriber 100k a nei ta

Mizo zingah Youtube channel nei hi a nuai kan chuang maithei, chungho zingah chuan 100k (nuai khat) subscriber nei hi sang an chuang kher lo maithei e. Mizo mipui zat thlirin 100k subscriber neih hi thil awlsam tak a ni lem lo ang.

Youth Icon star J Lalrosanga (Rsa) erawhin 100k subscriber neih a harsat loh, Youtube channel a nei atanga ni sarih a thlen meuh chuan 102k subscriber a nei tling ta der mai. J Lalrosanga hian ngainatu a ngahin, a chevel en chak an tam tih hairual a ni lo, subscriber a nei ngah chak tlat.

100k subscriber neite hnenah Youtube chuan silver play button an hlan thin a, Mizo zingah J Lalrosanga hi silver play button dawng thei rang ber a niin a rinawm a, kan hriat ve chinah chuan dawng thei rang ber a ni. Ni sarih chhunga 100k subscriber nei thei hi Mizo zingah awm leh thei tak maw..?

He thuziah lai thleng hian Rsa Jadeng hian a Youtube channel-ah hian video pakua a upload tawh a, chung zinga pali chuan viewers 100k chuang a nei.