Zion Tlaichhun music video a hnai

Youth Icon top 10 zinga a hmasa ber ni turin top 8 Zion Tlaichhun chuan music video a ti chhuak dawn. Bike leina khawp thawhkhawm tham zet fan nei, Zion Tlaichhun music video hi nghakhlel tak tak an tam ngeiin a rinawm.

Zion Tlaichhun hian music video a siam satliah a ni dawn loa, a hla tur 'I tel ve lo (Cho loh di zun) tih chu ama phuah ngat a ni. Music & recording chu Princeton Roads kut chhuak niin, video chu RDS Shots Video Production-te buaipui a ni. Naktuk (19.11.2024) zan hian a Youtube channel lamah en theih a ni ang.

Hnahlan tlangval Zion Tlaichhun hi Youth Icon intihsiakna-a a tel hnuah an khuaah a la haw loa, a hmangaih Hnahlanah hian ni 20.11.2024 hian a haw ang. An khaw ti hmingthatu Zion-a hi Hnahlan khaw mipuite'n an vangkhua a lawi luh hunah an lo thlir liam maiin a rinawm loh, thildang chu thuhran, parthi eng zat tak lo awrh tir ang maw..?

Zion Tlaichhun hi amah maiin Hnahlan leilung rap turin a kal dawn lo, Youth Icon top 10 zinga thenkhatte'n Hnahlan mipui lamtir turin an zui dawn...